Þau eru bæði í sárum í kjölfar skilnaðarins, Harry Bretaprins og fyrrverandi kærastan, Cressida Bonas. Hún hefur tekið sér leyfi frá störfum og Harry er sagður senda henni 15 sms-skilaboð á hverjum degi. 

The Mail on Sunday segir í ítarlegri úttekt sinni um málið að parið sé enn ástfangið og svo geti farið að þau taki saman aftur. Þá uppljóstrar blaðið um það sem það segir raunverulegu ástæðu skilnaðarins: Bonas þótti ekki nógu prinsessuleg og Harry hafði sagt henni að hún yrði að klæða sig miðað við sína stöðu, sum sé sem kærustu prinsins. Þetta fannst Bonas út í hött og sagði að konungshöllin vildi ekki leyfa henni að vera hún sjálf.

Bonas hefur ávallt verið hversdagsleg til fara, rétt eins og hver önnur stúlka á hennar aldri. Á föstudag sást hún á götum Lundúna einmitt í slíkum fatnaði. Með hárið í hnút og svartklædd frá hvirfli til ilja.

Í frétt Mail on Sunday segir að Harry hafi „blíðlega“ farið fram á það að í framtíðinni myndi Bonas klæða sig í takt við hlutverk sitt sem kærasta hans. Þetta varð til þess að parið fór að rífast. Í kjölfarið fylgdu fleiri rifrildi undanfarnar vikur. Það endaði svo þannig að þegar Harry steig um borð í flugvél á leið til Míamí fyrir helgi - þá var hann orðinn piparsveinn enn á ný og einn sá eftirsóttasti í heiminum í dag.

The Mail on Sunday segist einnig hafa upplýsingar um að ef Harry væri ekki í vestanhafs þessa dagana, en þangað fór hann daginn eftir að þau hættu saman, væru þau þegar búin að taka saman aftur. 

Kornið sem fyllti víst mælinn í sambandinu var þegar Bonas komst að því að henni væri ekki boðið í „strákaferðina“ sem Harry ætlaði í til Míamí. Um var að ræða veislu fyrri sameiginlegan vin þeirra sem gifti sig svo í Memphis í gær.

Þá heldur blaðið því fram að parið hafi um jólin rætt það að giftast.

Cressida Bonas þykir klæða sig hversdagslega. Það vill hún halda áfram að gera. AFP

Tengdar fréttir

Kóngafólk

„Gert á kostnað brostinna hjarta“

• Harry alltaf einn á ferð
• Lítil spenna fyrir nýjustu þáttum Harry og Meghan
• Katrín prinsessa laumaðist á fund í Windsor-kastala
• Sonur Mette-Marit grunaður um nauðgun

» Fleiri tengdar fréttir

• 1 blogg um fréttina

Bloggað um fréttina

• ÞJÓÐARSÁLIN: Dear Cressida