Leikarinn Eli Wallach látinn

Banda­ríski leik­ar­inn Eli Wallach, sem er best þekkt­ur fyr­ir leik sinn í spa­gettí vestr­um Sergio Leo­ne er lát­inn 98 ára að aldri. 

Wallach hóf kvik­mynda­fer­il sinn árið 1956 eft­ir að hafa leikið á sviði í tíu ár. Hann tók einkum að sér hlut­verk þorp­ara þó svo að hann hafi átt vel­gengni að fagna í grín­hlut­verk­um. Eins lék hann í fjöl­mörg­um sjón­varpsþátt­um, sam­kvæmt frétt BBC.

Meðal mynda sem Wallach lék í eru The Good, the Bad and the Ugly, How the West Was Won og The Mis­fits.

Wallash fædd­ist í Brook­lyn í New York og lauk kenn­ara­námi auk þess að fá þjálf­un sem sviðsleik­ari. Eft­ir seinni heimstyrj­öld­ina ein­beitti hann sér að leik. Fyrsta hlut­verkið var í New York árið 1945.

Eli Wallach var kvænt­ur leik­kon­unni Anne Jackson og léku þau oft sam­an.

Um­fjöll­un Variety um Eli Wallach

• 1 blogg um frétt­ina

Bloggað um frétt­ina

• Wil­helm Em­ils­son: Eli Wallach