Orðin grænmetisæta

Ellie Goulding segist hrædd við lýtaaðgerðir og neitar öllum sögusögnum þess efnis að hún hafi farið í brjóstaaðgerð, að því er breska tímaritið Glamour greinir frá.

Söngkonan segist nýlega hafa byrjað á grænmetisfæði en hún var vön því að æfa allt of mikið til að reyna að stjórna þyngdinni. Hún segist hafa hlaupið á hverjum degi en hafi lagt of mikið á líkamann. Nú sé hún hætt að borða kjöt og fisk og hafi aldrei liðið betur.

Ellie Goulding segir að tónleikaferðalög sín og álagið við tónlistarferilinn hafi gert hana stressaða áður fyrr en að í dag nái hún að halda ró sinni í mismunandi aðstæðum. 

• 1 blogg um fréttina

Bloggað um fréttina

• Vífill, félag einstaklinga með kæfisvefn.: Grænmetisæta til að bæta heilsuna.