Leikarans Robin Williams var minnst á Emmy verðlaunahátíðinni í Los Angeles í gærkvöldi en meðal þeirra sem tóku til máls var leikarinn Billy Crystal en þeir voru miklir félagar.

Crystal sagði að Williams hafi verið bjartasta stjarnan á  vetrarbraut grínsins. Hann fór yfir ævi og störf Robins Williams í ræðu sinni og rifjaði upp góðar stundir sem þeir hafi átt saman ´í gegnum tíðina. 

Á hátíðinni í Nokia leikhúsinu voru birtar glefsur af Williams úr kvikmyndum, á sviði og í spjallþáttum. Í lokin var birt mynd af honum og þögn sló á salinn. 

Robin Williams framdi sjálfsvíg þann 11. ágúst sl. Hann var 63 ára er hann lést.

Tengdar fréttir

Robin Williams

Fær ekki að vera eina „drottning jólanna“

• Ráðlagt að sofa ekki í sama rúmi
• Deila jafnvel um Óskarsstyttuna
• Vilja öll fá eigur Williams
• Tilgangslaust að spyrja „Af hverju?“

» Fleiri tengdar fréttir

• Blogga um frétt