Fyrrverandi kærasta Jolie giftir sig

Fyrrverandi kærasta Angelinu Jolie, Jenny Shimizu, gekk í það heilaga á dögunum, stuttu eftir að Jolie giftist Brad Pitt.

Jolie og Pitt giftu sig hinn 23. ágúst í Frakklandi en viku seinna gekk Shimizu upp að altarinu og gekk að eiga unnustu sína, Michelle Harper, í New York. Shimizu og Harper kynntust árið 2012.

Jolie og Shimizu kynntust á tökustað kvikmyndarinnar Foxfire árið 1996 og urðu samstundis yfir sig ástfangnar. „Ég varð ástfangin um leið og ég sá hana,“ sagði Jolie eitt sinn í viðtali við tímaritið Girlfriends og bætti jafnframt við að hún hefði líklegast gifst henni ef hún hefði ekki gifst breska leikaranum Jonny Lee Miller á sínum tíma.

• 1 blogg um fréttina

Bloggað um fréttina

• Njörður Helgason: Nefnilega það