Var allsnakin undir kjólnum

Söngkonan Nicki Minaj lenti í frekar óskemmtilegu atviki á MTV-verðlaunahátíðinni sem haldin var í seinasta mánuði þar sem kjóll hennar rifnaði utan af henni þegar hún tróð upp ásamt Jessie J og Ariana Grande.

Minaj klæddist litlum svörtum kjól á hátíðinni sem var vægast sagt afhjúpandi og greinilega nokkrum númerum of lítill þar sem hann gaf sig í miðju atriði. Minaj heldur því fram að þetta hafi ekki verið gert af ásettu ráði til að vekja athygli eins og sumir vildu meina.

„Ég hélt að ég myndi láta lífið. Ég var ekki í neinum undirfötum, ég var allsnakin,“ sagði Minaj í spjallþætti Ellen DeGeneres í gær.

• 1 blogg um fréttina

Bloggað um fréttina

• Ásgrímur Hartmannsson: Var nakin undir fötunum