Negrakóngur hverfur úr Línu langsokk

Sænska rík­is­sjón­varpið hef­ur klippt út atriði sem ekki þykja stand­ast tím­ans tönn í nýrri út­gáfu af Línu lang­sokk eft­ir Astrid Lind­gren. Til að mynda er ekki leng­ur talað um neg­rakóng­inn í nýrri út­gáfu af þátt­un­um um Línu.

Paulette Ros­as Hott, sem ann­ast út­gáfu­mál hjá sænska sjón­varp­inu, seg­ir í sam­tali við norska rík­is­út­varpið að ákveðið hafi verið að taka út efni sem sem gæti sært eða þótt niður­lægj­andi í huga barna. 

En þetta er ekki í fyrsta skipti sem Lína lang­sokk­ur er rit­skoðaður því árið 2006 tók norska rík­is­út­varpið út texta úr þátt­un­um um Línu sem ekki var tal­inn við hæfi. Þar var pabbi Línu ekki leng­ur neg­rakóng­ur held­ur kóng­ur í Suður­höf­um. Í nýju út­gáf­unni nú er hann bara kóng­ur ekki negra né í Suður­höf­um.

Ekki eru all­ir á eitt sátt­ir um þessa ákvörðun og telja að það sé óþarfi að breyta text­an­um. 

Frétt NRK

• 1 blogg um frétt­ina

Bloggað um frétt­ina

• Wil­helm Em­ils­son: Til ör­ygg­is