Seldist fyrir 162 milljónir króna

Annað af tveimur mótorhjólum sem Peter Fonda sat í kvikmyndinni Easy Rider seldist í gær á uppboði fyrir um 1,35 milljónir Bandaríkjadala, eða sem nemur um 162 milljónum íslenskra króna.

Upphaflega voru búin til tvö hjól fyrir upptökur á myndinni, þannig að ekki yrðu tafir ef annað þeirra bilaði. Hjólið sem seldist í gær kemur fyrir í lokaatriði myndarinnar, þar sem Peter Fonda lendir í árekstri.

Joseph M. Maddalena, eigandi uppboðshússins, sagði hjólið eitt af eftirminnilegri ímyndum úr bandarískri kvikmyndagerð. „Hjólið er ímynd sjöunda áratugarins, bæði þess góða og þess slæma sem gerðist á þeim tíma.“

• 1 blogg um fréttina

Bloggað um fréttina

• Wilhelm Emilsson: Endalok afslappaða riddarans