Varð leiður á kókaínneyslunni

Tón­list­armaður­inn Noel Gallag­her var afar dug­leg­ur að stunda næt­ur­lífið á sín­um yngri árum. Hann fór alla leið og drakk, reykti og neytti eit­ur­lyfja. Hann kveðst þó hafa hætt að nota kókaín vegna þess að hon­um leidd­ist að ræða um til­vist geim­vera.

Gallag­her var orðinn leiður á að eiga „furðuleg“ sam­töl við fólk og þess vegna ákvað hann einn góðan veður­dag að hætta allri eit­ur­lyfja­neyslu. Gallag­her seg­ist hafa eytt heilu klukku­stund­un­um í að ræða um píra­mída, geim­ver­ur, Bítl­ana og morðingja John F. Kenn­e­dy þegar hann var und­ir áhrif­um kókaíns.

„Ég varð upp­gef­inn á þess­um sam­töl­um. Ég hélt partí heima hjá mér hvert ein­asta kvöld, ég hélt að það væri það sem maður ætti að gera,“ sagði Gallag­her sem hætti að nota kókaín árið 1998.

„Það var auðvelt að hætta. Ég er agaður og hugsaði bara einn góðan veður­dag: „Mér leiðist og þetta er ólög­legt,“ sagði Gallag­her í spjallþætt­in­um The Jon­ath­an Ross Show.

• 1 blogg um frétt­ina

Bloggað um frétt­ina

• Wil­helm Em­ils­son: "Ég er agaður"