Sögð hafa „brotið“ hest

Kona að nafni Patty Parker hefur nú lagt fram kæru á hendur leikkonunni Zooey Deschanel. Parker leigði Deschanel hest í fyrra en hún segir leikkonuna hafa „brotið“ hestinn með því að ríða honum of harkalega.

Deschanel er mikil hestakona og er sögð góður knapi en því er Parker ósammála. Parker segir Deschanel hafa ofreynt hestinn sem hún leigði af henni fyrir 1,6 milljónir króna. Ekki er vitað hversu lengi Deschanel var með hestinn á leigu.

Parker og Deschanel gerðu samning þegar sú síðarnefnda tók hestinn á leigu, Deschanel samþykkti að fara vel með hestinn en Parker segir hestinn hafa verið meiddan og ónothæfan þegar honum var skilað.

Samkvæmt heimildum TMZ fer Parker fram á að Deschanel greiði allan kostnað sem fylgir því að koma hestinum aftur í gott form.

• 1 blogg um fréttina

Bloggað um fréttina

• Ásgrímur Hartmannsson: Hvernig brýtur maður hest?