Elton John giftir sig

Breski tónlistarmaðurinn Elton John ætlar í dag að gifta sig, en hann hefur í 21 ár búið með unnusta sínum, David Furnish. Athöfnin fer fram í Windsor, en þar er höll Elísabetar drottningar.

Elton John er 67 ára gamall. Hann birti á Instagram mynd þar sem segir: „Sir Elton John og David Furnish óska eftir nærveru þinni til að fagna brúðkaupi þeirra sunnudaginn 21. desember.“

Um 50 gestum er boðið í brúðkaupið. Þar á meðal David og Victoria Beckham, Elizabeth Hurley og Ozzy og Sharon Osbourne.

Elton John og David Furnish hafa ættleitt tvo litla drengi, Zachary, þriggja ára og Elijah, sem er 23 mánaða. Í fréttum breskra fjölmiðla segir að þeir muni halda á giftingarhringunum fyrir foreldra sína.

• 1 blogg um fréttina

Bloggað um fréttina

• Vilhjálmur Örn Vilhjálmsson: Elton John giftist ekki