Courtney Love og dóttirin sameinaðar á ný

Courtney Love og dóttir hennar, Frances Bean Cobain, hafa átt í deilum í áraraðir en þær vöktu athygli á laugardaginn þar sem þær féllust í faðma á rauða dreglinum á frumsýningu kvikmyndarinnar Kurt Cobain: Montage of Heck. Þetta er í fyrsta sinn í fimm ár sem þær sjást saman opinberlega.

Courtney Love missti forræði yfir dóttur sinni árið 2009, þá var Frances Bean Cobain 17 ára. Árið 2012 sakaði þá Love fyrrverandi trommara Nirvana, Dave Grohl, um að hafa reynt við Frances Bean. Frances Bean var afar ósátt við móður sína og lét það í ljós opinberlega.

Courtney Love og Kurt Cobain eignuðust Frances Bean Cobain árið 1992. Kurt Cobain lést þegar hún var að verða tveggja ára gömul.

• 1 blogg um fréttina

Bloggað um fréttina

• Jens Guð: Þetta vissir þú ekki um Dave Grohl, trommara Nirvana og …