Fyrra undanúrslitakvöld Söngvakeppni sjónvarpsins stendur nú yfir í Háskólabíói. Kynnar Söngvakeppninnar eru hinar brosmildu Ragnhildur Steinunn Jónsdóttir, Guðrún Dís Emilsdóttir og Salka Sól Eyfeld.

Áður en hljómsveitin HINEMOA steig á svið til að flytja lagið „Þú leitar líka að mér“ þurftu þær Ragnhildur Steinunn og Salka Sól að tefja tímann þar sem nokkra stund tók að koma sveitinni fyrir á sviði. 

Þá minnti Ragnhildur á að þrjú lög kæmust áfram úr hverri undankeppni og Salka Sól bætti því við að einnig yrði svokallað „wildcard“ lag valið af dómnefnd en hún kysi raunar að nota fremur íslenska orðið Svarta Pétur. Örlítið fát kom þá á Ragnhildi sem minnti Sölku á að sú staðreynd væri nú raunar smá leyndarmál.

Með örlítið breiðara brosi en áður kynntu þær stöllur á HINEMOA á svið og í því sem ljósin fóru niður mátti sjá Sölku grípa hlæjandi fyrir munninn á sér.

Leyndarmálið er ekki stórt og höfðu margir aðdáendur keppninnar eflaust þegar getið sér til um að fyrirkomulagið yrði með þessum hætti. Líklega eru fáir ef einhverjir ósáttir við þessa óvæntu uppákomu en hinsvegar  sannast það fornkveðna að allt getur gerst í beinni.

Tengdar fréttir

Eurovision

Playboy-fyrirsæta tekur þátt í undankeppni Eurovision

• Íbúar Basel samþykkja fjármögnun Eurovision
• Hollendingar taka þátt í Eurovision eftir brottvísun
• Þekktur sigurvegari Eurovision látinn
• Ísland tekur þátt í Eurovision 2025

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Ónotahávaði og skarkali, sem endar í langneðsta sæti, eða neðar