Sér eftir kynlífsmyndbandinu

Kim Kardashian West er orðinn þreytt á að heyra og sjá umfjallanir í fjölmiðlum um kynlífsmyndband hennar sem hún bjó til árið 2003 með þáverandi kærasta sínum, rapparanum Ray J. Kim, sem í dag á eiginmann og eins árs barn, sér eftir að hafa gert myndbandið sem var lekið á netið á sínum tíma. Hún kveðst þó ekki ætla að dvelja í fortíðinni og velta sér upp úr þessu að óþörfu. Þessu greindi hún frá í viðtali sem birtist í tímaritinu Love.

„Ef ég sé eftir einhverju einu þá er það þetta. Kannski var það svona sem margir kynntust mér en það var ekki á þennan hátt sem ég hóf feril minn,“ sagði Kim sem vill meina að ferill hennar hafi verið farinn á flug áður en myndbandinu var lekið. „Þetta var fyrir 12 eða 13 árum síðan, ég hef reynt að halda ótrauð áfram. Ég held að allir geri eitthvað sem þeir eru ekki stoltir af á lífsleiðinni en það þýðir ekki að dvelja í fortíðinni endalaust.“

Kim hefur þá litla þolinmæði fyrir því þegar fólk segir hana vera hæfileikalausa. „Þegar fólk spyr mig við hvað ég starfi þá langar mig helst að segja: „Spurðu fokking bankareikninginn minn við hvað ég starfa.“ En ég myndi aldrei segja það við fólk,“ útskýrði Kim sem finnur fyrir miklum fordómum í sinn garð.

• 1 blogg um fréttina

Bloggað um fréttina

• Wilhelm Emilsson: "Ég myndi gera hvað sem er fyrir frægðina . . …