Prestar fara á límingum yfir Jóni Gnarr

Pist­ill sem Jón Gn­arr, fv. borg­ar­stjóri, ritaði í Frétta­blaðið á laug­ar­dag hef­ur farið veru­lega fyr­ir brjóstið á presta­stétt lands­ins. Þeir hafa skrifað í blöðin og á sam­fé­lags­miðla vegna lýs­ing­ar Jóns á trú­ar­lífi sínu. Jóna Hrönn Bolla­dótt­ir, prest­ur í Garðasókn, seg­ir AA-hreyf­ing­una þurfa að taka út hluta 12 spor­anna vegna skrifa Jóns.

Í pistl­in­um lýsti Jón því hvernig hann hafi reynt, og mistek­ist, að finna guð. Fólki sé frjálst að trúa því sem það vill svo lengi sem það haldi því fyr­ir sig og reyni ekki að setja hon­um regl­ur á grund­velli trú­ar­hug­mynda sinna. Fyr­ir­sögn pist­ils­ins var „Guð er ekki til“.

Jóna Hrönn er einn margra presta og annarra trúmanna sem hafa séð sér­staka ástæðu til þess að gagn­rýna Jón fyr­ir þessi skrif sín. Hún skrif­ar á Face­book-síðu sína:

„Nú hef­ur hip­ster­inn, fyrr­um borg­ar­stjóri, verðandi for­seti og leik­ari látið okk­ur vita að Guð sé ekki til. Nú þurf­um við sem höf­um til­einkað okk­ur 12 spor­in að hugsa þetta al­veg upp á nýtt. Í því ljósi þarf AA hreyf­ing­in um all­an heim að taka út nokk­ur lauflétt spor eins og nr. 2, nr.3, nr.5, nr.6, nr.8,nr.11,“ skrif­ar Jóna Hrönn sem seg­ist ekki ætla að fara með trú sína í fel­ur jafn­vel þó að Jóni „finn­ist það til­valið að jaðar­setja svona brjálæðinga eins og mig“.

Jóna Hrönn Bolla­dótt­ir, prest­ur í Garðasókn. Sverr­ir Vil­helms­son

• 6 blogg um frétt­ina

Bloggað um frétt­ina

• S i g u r ð u r S i g u r ð a r s o n: Trú fólks er einka­mál, kem­ur öðrum ekk­ert við
• Páll Vil­hjálms­son: For­setafram­boð Jóns Gn­arr í hættu
• Jó­hann­es Ragn­ars­son: Það fer varla nokk­ur úr lím­ing­um vegna hund­leiðin­legs og ómeki­legs …
• Torfi Kristján Stef­áns­son: Um typpi og trú
• Ómar Ragn­ars­son: Trúfrelsi og skoðana­frelsi, en líka virðing fyr­ir hvert öðru.
• Wil­helm Em­ils­son: Að leita Guðs