Vinalegi risinn Hulk

Hundurinn Hulk er bolabítur. Hann er aðeins 18 mánaða og enn að stækka en vegur þó nú þegar 80 kíló og er talinn einn stærsti bolabítur heims. Hulk býr með Grannan fjölskyldunni. Eigendur hans Marlon og Lisa reka hundaræktunina Dark Dynasti K9s sem sérhæfir sig í ræktun terrier bolabíta (pit bull terrier).

Hundategundin telst til svokallaðra vígahunda og er bönnuð hér á landi. Hundar Grannan fjölskyldunnar eru einmitt aldir upp sem ofbeldisfullir varðhundar og eru seldir sem slíkir um allan heim. Marlon og Lisa segja hundana þó aðeins ofbeldisfulla í þeim aðstæðum sem þeir hafa verið þjálfaðir til að bregðast við sem varðhundar. 

Sem dæmi taka þau Hulk sem þau segja vera ljúfan hund og leikur hann reglulega við son þeirra Jordan.

Marlon segir Hulk vera mikilvægan hluta af fjölskyldunni og að hann verði aldrei seldur, sama hvaða fjárhæðir verða boðnar.

• 1 blogg um fréttina

Bloggað um fréttina

• Halldór Þormar Halldórsson: Hulk er reyndar ekki bolabítur