Þjóðhátíð verður haldin í Vestmannaeyjum um verslunarmannahelgina og hafa aðstandendur hátíðarinnar sent frá sér fréttatilkynningu um tvær hljómsveitir sem munu spila í ár. Það eru hljómsveitirnar FM Belfast og AmabAdamA!
Orðrétt stendur í fréttatilkynningu: „FM Belfast er ein allra skemmtilegasta og kröftugasta tónleikasveit landsins og því ljóst að stemningin verður gríðarleg þegar þessi frábæra hljómsveit stígur á stóra sviðið í Dalnum. AmabAdamA hefur verið vinsælasta hljómsveit landsins undanfarið ár með stórsmellunum Hossa Hossa, Gaia og Hermenn - Dalurinn mun því hrista sig vel og syngja hástöfum með reggístórsveitinni,“ segir í fréttatilkynningunni.