Ætlar að reyna fyrir sér í tónlistinni

Leikarinn David Duchovny, sem þekktastur er fyrir hlutverk sitt í þáttunum The X Files, er greinilega fjölhæfur en hann ætlar að gefa út hljómplötu í sumar. Þetta verður frumraun hans í tónlist.

Duchovny hefur undanfarið unnið hörðum höndum að plötunni sem inniheldur 12 lög. Hann gaf út yfirlýsingu í gær og greindi frá því að hann væri himinlifandi með tónlistina sem hann samdi. „Þetta er draumur í dós, samt var þetta aldrei draumur minn. Ég er undrandi yfir því hvernig öll þessi tónlist varð til,“ sagði Duchovny sem getur ekki beðið eftir að deila sköpunarverkinu með aðdáendum sínum.

Duchovny sagði tónlist hans helst líkjast tónlist R.E.M. aðspurður hvernig fyrsta platan hans hljómar.

Platan heitir Hell or Highwater og kemur út 12. maí.

• 1 blogg um fréttina

Bloggað um fréttina

• Wilhelm Emilsson: Leikarar og rokkarar