Top Gear-tríóið til Netflix?

Sam­kvæmt In­depend­ent bend­ir allt til þess að Rich­ard Hammond og James May, tveir þriðju af Top Gear-tríó­inu ófor­betr­an­lega, muni hafna veg­legu til­boði BBC um end­ur­nýj­un samn­inga vegna þátt­ar­ins, og ganga til liðs við Net­flix í staðinn með sín­um gamla, „fallna“ fé­laga.

In­depend­ent seg­ir frá því að Hammond og May séu „afar nærri“ því að hafna 4,6 millj­ón punda til­boði BBC um að halda áfram með Top Gear án Cl­ark­son. Báðir höfðu áður sagt að þeir myndu ekki snúa aft­ur eft­ir að til­kynnt var að samn­ing­ur Cl­ark­son yrði ekki end­ur­nýjaður, í kjöl­far þess að hann réðist á einn fram­leiðanda þátt­anna.

Fregn­ir herma að þess í stað hygg­ist þre­menn­ing­arn­ir ganga til liðs við Net­flix, en efn­isveit­an hef­ur malað gull með eig­in þátta­gerð, og má þar nefna þætt­ina Hou­se of Cards sem dæmi.

In­depend­ent hef­ur eft­ir heim­ild­ar­manni að Hammond, May og Cl­ark­son séu afar spennt­ir fyr­ir því að fá að stýra eig­in þætti frá a-ö, allt frá efnis­tök­um til dreif­ing­ar. Þá myndi samn­ing­ur við Net­flix lík­lega skila þeim mun meira í vas­ann en áfram­hald­andi sam­starf við BBC.

Áður hafði verið sagt frá því að BBC hugnaðist vel að hefja leik­inn á ný með Hammond og May við stýrið og nýj­an gesta­stjórn­anda í hverj­um þætti. May sagði hins veg­ar í apríl að eng­inn kæmi í staðinn fyr­ir Cl­ark­son, það væru þeir þrír eða ekk­ert.

Þá hef­ur reynd­ar ekki verið úti­lokað að Cl­ark­son myndi snúa aft­ur á BBC að lok­um, eft­ir að fjaðrafokið væri yf­ir­staðið og dag­blöð árs­ins kom­in í end­ur­vinnsl­una.

• 1 blogg um frétt­ina

Bloggað um frétt­ina

• Ómar Ragn­ars­son: Líkt og Jón frá Ljár­skóg­um og Lennon.