Margt hefur breyst hjá fyrrum ungstirninu Ariönu Richards, sem fór með hlutverk Lex Murphy í gömlu Jurassic Park myndunum. Richards hefur nú helgað líf sitt listmálun og á von á sínu fyrsta barni með eiginmanni sínum, Mark Bolton. Hún dvelur nú í Suður-Ameríku þar sem hún sýnir list sína.
Í samtali við People segir hún myndlistina frábæra leið til að tjá sig, en margt sé breytt frá dögum Júragarðsins. „Ég upplifa enn rauða dregilinn á sviði myndlistar, en dagsdaglega lifi ég hins vegar rólegu sveitalífi. Lífið er mun afslappaðra en áður, en samt mjög gefandi.“
Hún minnist kvikmyndanna sem gerðu hana fræga með hlýju. „Það var frábært að vera hluti af verkefni sem snerti kvikmyndamenninguna svona mikið og færði mörgum mikla ánægju.“
Richards lék í fyrstu tveimur myndunum um Júragarðinn árin 1993 og 1997, en eftir það kom hún fram í örfáum minniháttar sjónvarpsmyndum. Hún hefur hins vegar ekki sést á hvíta tjaldinu síðan.