Young ekki ánægður með Trump
Setja bókamerki
Auðkýfingurinn Donald Trump tilkynnti í gær um forsetaframboð sitt þar sem hann sækist eftir tilnefningu Repúblikanaflokksins í forkosningunum. Við kynninguna á framboðinu notaðist hann við lagið Rockin' in the Free World eftir Neil Young til þess að skapa réttu stemninguna.
Nú hefur tónlistamaðurinn tjáð sig um notkun Trumps á lagi hans. „Donald Trump var ekki búinn að fá leyfi til þess að nota lagið Rockin' in the Free World í kynningunni,“ segir í tilkynningu frá tónlistamanninum.
Hann segist nefnilega styðja annan forsetaframbjóðanda, Bernie Sanders, sem sækist eftir tilnefningu Demókrata.
Fulltrúar Trumps segja notkunina á laginu vera löglega og að leyfi hafi verið fengið hjá umboðsaðila Youngs.
Í tímaritinu Rolling Stone kemur hins vegar fram að aðrar reglur gilda um notkun á lögum í pólitískum tilgangi, þá verður að fá tilskilið leyfi frá tónlistamanninum sjálfum.
Efast um eitt frægasta morðmál Íslands
Matvælakjallarinn kominn á sölu
Engar vísbendingar um að kvika sé á leiðinni upp
Vildu yfirráð Íslands á Grænlandi
„Aldrei verið svona hrædd“
„Þetta er algjör eyðilegging“
Framsókn í Reykjavík vill flokksþing
Lús smitar út frá kvíum í villta laxa