Sjáðu fyrsta tattúið hennar Kendall Jenner

Vinabönd eru ekki lengur í tísku, núna eru vinatattú það heitasta ef marka má fyrirsæturnar Kendall Jenner og Hailey Baldwin.

Þær stöllur skelltu sér á húðflúrstofu í New York í fyrradag og fengu sér í tattú. Jenner fékk sér tattú á löngutöng, um agnarsmáan hvítan punkt er að ræða. Baldwin fékk sér bókstafinn „g“ fyrir aftan eyrað sem stendur fyrir „Georgia“.

Jenner og Baldwin eru ekki þær einu sem hafa fengið sér tattú í sameiningu því fyrirsæturnar Cara Delevingne og Jourdan Dunn fengu sér nýverið samskonar húðflúr til að fagna vináttu sinni. Harry Styles og Ed Sheeran gerðu það sömuleiðis.