Hafa áhuga á kynlífi með Emilia Clarke

Leikarinn Channing Tatum, sem er hamingjusamlega giftur leikkonunni Jennu Dewan, greindi nýverið frá því að hann hefði áhuga á að fara í trekant með eiginkonu sinni og leikkonunni Emilia Clarke.

Tatum viðurkenndi þetta í viðtali við útvarpsmanninn Howard Stern en það var Clarke sjálf sem stakk upp á trekantinum fyrir nokkrum vikum.

„Ég var í eftirpartíi eftir Golden Globes-hátíðina og Channing fjandans Tatum kom upp að mér og glæsilega frúin hans, Jenna Dewan. Og ég var bara: „Ég ræð ekki við þetta. Getum við vinsamlegast gert eitthvað kynferðislegt saman. Þið eruð bæði falleg“,“ sagði Clarke í viðtali við Harper's Bazaar.

Tatum viðurkenndi í viðtalinu við Stern að þetta hefði átt sér stað í eftirpartíinu og grínaðist með að hann og eiginkona hans væru alveg til í trekant með Clarke sem er þekktust fyrir hlutverk sitt í þáttunum Game of Thrones. „Ég myndi fara í lendarskýlu og grípa nokkur sverð,“ sagði Tatum.

Emilia Clarke leikur í Game of Thrones.

• 1 blogg um fréttina

Bloggað um fréttina

• Mofi: Er þetta frétt?