Dunkin´Donuts fer ekki framhjá neinum

Það fer varla framhjá neinum sem gengur niður Laugaveginn að kleinuhringjastaðurinn Dunkin‘ Donuts verði nú opnaður á Laugavegi 3. Búið er að klæða gluggana með skærbleikri filmu merktri staðnum. Í gegnum tíðina hafa fjölmargir staðir verið til húsa á Laugavegi 3 en nú síðast var þar veitingastaðurinn Buddha Café. 

Gerður var samningur sem gerði ráð fyrir opnun 16 Dunkin‘ Donuts-veitingastaða víða um land á næstu fimm árum, flestir þeirra verða staðsettir á höfuðborgarsvæðinu.

Dunkin‘ Donuts var stofnað árið 1950. Fyrirtækið er leiðandi á markaði í heitum og köldum kaffidrykkjum, kleinuhringjum, beyglum og möffins og hefur níu ár í röð náð fyrsta sæti í flokki kaffifyrirtækja hjá Brand Keys þegar kemur að hollustu við viðskiptavini sína.

Áætlað er að opna staðinn í lok júlí eða byrjun ágúst.

Frétt mbl.is - Fyrsti Dunkin' Donuts á Laugavegi 3

• 2 blogg um fréttina

Bloggað um fréttina

• G. Tómas Gunnarsson: Að fara í kleinu yfir hringjum
• Jens Guð: Umdeildir kleinuhringir, sleiktir og ósleiktir