Söngkonan Taylor Swift hlaut flestar tilnefningar til MTV myndbandaverðlaunanna, níu talsins. Skákaði hún þar með Ed Sheeran, sem hlaut sex tilnefningar og Beyonce og Mark Ronson sem hlutu fimm hvor. Verðlaun verða afhent í Los Angeles 30. ágúst.
Plata Swift, 1989, var sú mest selda í heiminum í fyrra. Það er fimmta platan sem Swift hefur gefið út á ferlinum en nafnið, 1989, er einmitt árið sem hún fæddist.
Hér að neðan má sjá myndband við lagið Bad Blood en fyrir það hlýtur Swift tilnefningu fyrir myndband ársins.