Segir neysluna ekki hafa skaðað sig

Keith Rich­ards, gít­ar­leik­ari hljóm­sveit­ar­inn­ar The Roll­ing Stones, hef­ur sannað að það get­ur reynst erfitt að kenna göml­um hundi að sitja. Hann viður­kenndi í ný­legu viðtali við blaðið Mojo að hann reyk­ir enn iðulega eina jónu á morgn­ana.  

„Eitt af því fal­leg­asta við landa­kort af Am­er­íku er að sjá grænu svæðin þar sem að kanna­bis er lög­legt. Hvort það er gott til fram­búðar að lög­leiða kanna­bis er ég þó ekki viss um.“

Rich­ards hef­ur talað mikið um eit­ur­lyfja­neyslu sína op­in­ber­lega og sagði í ný­legu viðtali að hann teldi að sína neysla hafi ekki skaðað heils­una. Hann hef­ur oft verið viðfangs­efni blaðamanna og furða marg­ir sig á því hvernig standi á því að hann sé enn á lífi.

Gít­ar­leik­ar­inn er hætt­ur að nota heróín og kókaín. Í viðtali við Mens Journal sagði hann: „Trúðu mér, ég hef drukkið mun meira af áfengi en áfengið hef­ur náð af mér og mér líður eins með eit­ur­lyf­in.“

• 1 blogg um frétt­ina

Bloggað um frétt­ina

• Wil­helm Em­ils­son: Keith Rich­ards