Zuckerberg á von á barni

Mark Zuckerberg, stofandi Facebook, og eiginkona hans, Priscilla Chan, eiga von á stúlku. „Þetta verður nýr kafli í lífi okkar,“ segir Zuckerberg í færslu á Facebook, þar sem hann segir einnig frá því að þau hafi þrisvar misst fóstur.

„Þú verður svo vongóður þegar þú heyrir að þú eigir von á barni. Þú ferð að ímynda þér hvernig þau verða og dreyma um vonir um framtíð þeirra. Þú ferð að gera áætlanir, og svo skyndilega eru þær horfnar. Það er einmannaleg reynsla,“ segir Zuckerberg um hina sáru upplifun.

Hann segist vilja deila reynslu þeirra hjóna í viðleitni til að auka skilning og umburðarlyndi í „opnum og tengdum heimi“.

Zuckerberg segir að fyrir þeim liggi að búa barninu og næstu kynslóð betri heim, og segist sannfærður um að eplið muni ekki falla langt frá eikinni.

• Blogga um frétt