Tveir dóu þegar MTV-þyrla hrapaði

Tveir fórust þegar þyrla sem var notuð til kvikmynda raunveruleikaþátt sjónvarpsstöðvarinnar MTV hrapaði í Argentínu.

Flugmaður þyrlunnar og tæknimaður fórust en enginn úr tökuliði þáttarins var um borð.  Verið var að taka upp þáttinn The Challenge.

Þyrlan hrapaði ofan í lón stíflunnar Potrerillos de Mendoza í vesturhluta Argentínu, að því er BBC greindi frá. 

Þetta er annað þyrluslysið sem verður í tengslum við raunveruleikaþátt í landinu á þessu ári. Í mars fórust tíu þegar tvær þyrlur rákust saman í héraðinu Rioja í norð-vesturhluta Argentínu. Þar var verið að taka upp þáttinn Dropped.

Argentískir lögreglumenn standa nálægt lögregluþyrlu. AFP

• 1 blogg um fréttina

Bloggað um fréttina

• Ármann Birgisson: MTV Þyrla ? ? ?.