Biggi í Maus kemur Nylon til varnar

Tón­list­armaður­inn Birg­ir Örn Stein­ars­son, bet­ur þekkt­ur sem „Biggi í Maus“ seg­ir til­tekið atriði í Ára­móta­s­kaup­inu hafa verið smekk­laust en ekki vegna þess sem mest hef­ur verið kvartað und­an.

Í atriðinu sem um ræðir var upp­taka með at­hafna­mann­in­um Sig­urði Ein­ars­syni spiluð með viðtali sem RÚV tók við hann rétt eft­ir að hann hlaut fang­els­is­dóm fyr­ir hlut­deild sína í Al-Thani mál­inu. Viðtalið vakti mikla at­hygli á sín­um tíma enda þóttu til­svör Sig­urðar sér­kenni­leg. Í Skaup­inu var snúið upp á viðtalið svo til­svör hans virt­ust eiga við um enda­lok stúlkna­hljóm­sveit­ar­inn­ar The Charlies sem áður var þekkt und­ir nafn­inu Nylon.

Atriðið hef­ur hlotið nokkra gagn­rýni um að þarna hafi verið sparkað í liggj­andi mann en leik­stjóri Skaups­ins sagði í viðtali við Vísi að ekki stæði til að biðja Sig­urð af­sök­un­ar.

„Það sem mér fannst verst var ekki grínið á Sig­urð - held­ur fannst mér það frek­ar lág­kúru­legt að skella þrem­ur hug­rökk­um stelp­um í hakka­vél­ina sem höfðu lítið í hönd­un­um en þorðu þó að hoppa í djúpu laug­ina - fara út í sirk­us­inn í L.A. - og reyna að láta drauma sína ræt­ast,“ skrif­ar Birg­ir.

Seg­ir hann þær stöll­ur Ölmu, Klöru og Stein­unni hafa kom­ist lengra en flest­ir gera og furðar sig á því að það þyki í lagi að þjóðin hlæi að skip­broti þeirra.

„Af hverju? Af því að  þið „vissuð það“ að svona myndi fara all­an tím­ann? Þær upp­lifðu pottþétt fleiri æv­in­týri en flest­ir þeirra sem horfðu... finnst frek­ar að það ætti að biðja þær af­sök­un­ar. þre­falt húrra fyr­ir Nylon/​Charlies! áfram ís­lenskt stelpupopp!“

Bubbi Mort­hens er meðal þeirra sem taka und­ir með Birgi í at­huga­semd­um við færslu hans og seg­ir hvort tveggja hafa verið lág­kúru­legt og ófyndið. 

• 1 blogg um frétt­ina

Bloggað um frétt­ina

• Wil­helm Em­ils­son: Væl