Skrifar undir hjá risa í Hollywood

Leikarinn og leiklistarneminn Atli Óskar Fjalarson er nýbúinn að skrifa undir samning við umboðsskrifstofuna Paradigm.

Atli var boðaður í viðtal hjá umboðsskrifstofunni eftir að hafa hlotið útnefninguna „Rísandi stjarna“ (e. Shooting Star) á alþjóðlegu kvikmyndahátíðinni í Berlín sem fram fór fyrr í febrúar.

Sjá frétt mbl.is: Atli fetar í fótspor James Bond

„Þeir höfðu samband við mig í kjölfarið af „Shooting Stars“ og vildu hitta mig og svo eftir að hafa sent þeim upptökur af fyrri verkefnum boðuðu þeir mig á fund og buðu mig velkominn í fjölskylduna,“ segir Atli í samtali við mbl.is.

Paradigm er ein af fimm stærstu umboðskrifstofum í Hollywood og sérhæfir sig bæði í tónlist og leiklist.

Meðal leikara sem eru á samning hjá Paradigm má nefna Adrien Brody og Antonio Banderas. Meðal tónlistarmanna má nefna Ed Sheeran, Black Eyes Peas og Coldplay.

Atli stundar nám við New York Film Academy í Los Angeles og mun útskrifast þaðan vorið 2017. Ef fram heldur sem horfir mun Atli líklega hafa nóg að gera eftir útskrift.

Sjá viðtal mbl.is: Heiðursnemandi og rísandi stjarna

• Blogga um frétt