Gísli Marteinn Baldursson verður þulur í útsendingu RÚV frá Söngvakeppni evrópskra sjónvarpsstöðva sem fer fram í Stokkhólmi í maí. Gísli Marteinn tekur við af Felix Bergssyni sem eins og kunnugt er hefur kynnt keppnina síðustu þrjú ár. Þetta kemur fram á vef RÚV.  

Gísli Marteinn er þó enginn byrjandi í starfinu en hann var þulur í keppninni á árunum 2003-2005. Í frétt RÚV er vitnað í tilkynningu frá dagskrárdeild RÚV þar sem segir að Gísli Marteinn hafi á dögunum verið valinn besti íslenski þulurinn í óformlegri kosningu meðal félaga í FÁSES, íslenskum aðdáendaklúbbi Söngvakeppninnar. 

Eurovision fer fram eins og fyrr segir í Stokkhólmi dagana 10., 12. og 14. maí. Greta Salóme Stefánsdóttir keppir fyrir Íslands hönd, með laginu Hear Them Calling.

Tengdar fréttir

Eurovision

Nýtt fyrirkomulag við val á vinningslagi

• Playboy-fyrirsæta tekur þátt í undankeppni Eurovision
• Íbúar Basel samþykkja fjármögnun Eurovision
• Hollendingar taka þátt í Eurovision eftir brottvísun
• Þekktur sigurvegari Eurovision látinn

» Fleiri tengdar fréttir

• 1 blogg um fréttina

Bloggað um fréttina

• Axel Jóhann Hallgrímsson: Tilræði