Knattspyrnugoðsögnin Peter Schmeichel skilinn

Peter Schmeichel er einn frægasti markvörður allra tíma og margir telja hann þann besta frá upphafi. Peter Schmeichel var um margra ára skeið landsliðsmarkvörður Dana í knattspyrnu og stóð vaktina þegar Danir urðu vægast sagt óvænt Evrópumeistarar 1992, en bjórlegnir og afslappaðir komust þeir óvænt inn sem varaþjóð og enginn bjóst við neinu af liðinu, allra síst þeir sjálfir.

Peter sem einnig átti farsælan feril með félagsliðinu Manchester United hefur verið giftur eiginkonunni Bente Schmeichel í 31 ár og saman eiga þau börnin Cecilie og Kasper en sá síðarnefndi er einmitt núverandi landsliðsmarkvörður Dana. Skilnaður þeirra hjóna kemur mikið á óvart enda um að ræða eitt lengsta hjónaband stjarnanna í Danmörku.

Peter Schmeichel birti þessa mynd af sér í íslenskri náttúru, á Twitter-síðu sinni. Ljósmynd/Twitter

• 1 blogg um fréttina

Bloggað um fréttina

• Jónína Christensen: Íslendinger lengi að taka við sér??