Fyrrverandi maki og barnsmóðir Johnny Depp ver hann gegn ásökunum um heimilisofbeldi.

TMZ birti í dag bréf á vefsvæði sínu sem slúðurmiðillinn segir vera frá Vanessu Paradis sem var í sambandi með Depp frá 1998 til 2012. Núverandi eiginkona Depp, Amber Heard, fékk úrskurðað tímabundið nálgunarbann gegn Depp á föstudag og hefur kært hann fyrir að beita sig líkamlegu ofbeldi.

Paradis á tvö börn með Depp, Lily Rose sem er 17 ára og Jack sem er 14 ára. Í bréfinu segir Paradis að Depp sé „viðkæmur, ástríkur og elskaður einstaklingur.“

„(...) ég trúi af öllu hjarta að þessar ásakanir sem nýlega hafa komið fram séu svívirðilegar. Öll þau ár sem ég hef þekkt Johnny hefur hann aldrei beitt mig líkamlegu ofbeldi og þetta lítur ekkert út eins og maðurinn sem ég bjó með í 14 yndisleg ár.“

Lori Anne Allison, fyrrum eiginkona Depp, hefur einnig stigið fram til varnar honum og tekið fram að hann hafi aldrei svo mikið sem öskrað á sig.

Heard segir Depp ítrekað hafa beitt hana líkamlegu ofbeldi, síðast fyrir viku síðan þar sem hann barði iPhone í andlit hennar með þeim afleiðingum að hún fékk glóðarauga.

Tengdar fréttir

Johnny Depp sakaður um ofbeldi

„Viðbjóðslega illa skrifaður skáldskapur“

• Amber Heard snýr aftur í Aquaman 2
• Depp gefi milljónina
• Heard og Depp ná dómssátt
• Í ástarsambandi með lögmanni sínum

» Fleiri tengdar fréttir

• 1 blogg um fréttina

Bloggað um fréttina

• Adda bloggar: Sorglegt