Ofurstjarnan Justin Bieber er kominn með nýja kærustu ef marka má slúðurmiðla vestanhafs og nýjustu myndirnar af honum á Instagram. Sú heppna heitir Sofia Richie og er 17 ára dóttir söngvarans fræga Lionel Richie. 

Sofia er yngri systir raunveruleikastjörnunnar Nicole Richie sem lék í þáttunum Simple Life ásamt Paris Hilton á síðasta áratug. 

Svo virðist sem þau Richie og Bieber séu stödd í Japan en hafa þau bæði birt myndir af sér á samfélagsmiðlum. Bieber lét sér ekki nægja annað en að setja sex myndir af þeim á Instagram. Á myndunum má sjá þau sitja saman í aftursætinu á bifreið. Sumir aðdáendur Biebers eru þó allt annað en sáttir með þessa nýjustu stúlku í lífi hans og hefur hann þurft að þola ýmis ljót ummæli á Instagram. 

Hann birti því texta með síðustu myndinni þar sem hann hótar að stilla aðganginn sinn á Instagram á „private“ þannig að hver sem er geti ekki séð myndirnar af honum. Biður hann aðdáendur sína um að sýna sér og öðrum virðingu. 

Tengdar fréttir

Justin Bieber

Á erfiðum stað andlega

• Eru heitustu hjónin í Hollywood að skilja?
• Gagnrýnir hatur og hótanir í garð Hailey Bieber
• Bieber aflýsir aftur tónleikum
• Þess vegna elskar Mariah Carey jólin

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Furðu dónalegir Bíbirfeðgar mæta andstöðu Þjóðfylkingarinnar