Enn með hringinn

Leikkonan Lindsay Lohan hefur mikið verið á milli tannanna á fólki undanfarið, en hún sleit nýverið sambandi sínu við hinn rússneska Egor Tarabasov.

Sambandið var stormasamt og var lögregla meðal annars kölluð á heimili þeirra eftir að Lohan sakaði Tarabasov um heimilisofbeldi.

Frétt mbl.is: Lögregla kölluð á heimili Lohan vegna gruns um heimilisofbeldi

Á dögunum sást leikkonan þó skarta trúlofunarhringnum sem Tarabasov gaf henni, en samkvæmt frétt Daily Mail er hann metinn á 300 þúsund Bandaríkjadali, eða tæpar 35 milljónir íslenskra króna.

Lohan var þó nýlega sögð vera að slá sér upp með gríska athafnamanninum Dennis Papageorgiou.

Frétt mbl.is: Lohan komin með nýjan kærasta

Hér sést glitta í hringinn. Ljósmynd / Daily Mail

• Blogga um frétt