Er Brad Pitt kominn með nýja?

Heimildir berast nú úr öllum áttum vestanhafs um að Hollywood-stjörnurnar Brad Pitt og Kate Hudson eigi í rómantísku sambandi.

Fréttirnar hafa þó hvergi fengist staðfestar en ekki hefur náðst í leikarana vegna málsins.

Voru meðal annars ritaðar fréttir á dögunum þess efnis að Hudson og Pitt væru orðin afar náin og farin að hittast reglulega.

Til þess að hella olíu á þennan ástareld tjáði fyrrum lífvörður Brad Pitt og Angelinu Jolie sig um málið. „ Ég þekki bæði Pitt og Hudson og það kæmi mér ekki á óvart að þau væru að hittast. Hudson er dásamleg kona og Pitt væri bara heppinn að fá að vera með henni. „ Einnig bætti lífvörðurinn málglaði því við að áður en að Pitt kynntist Jolie hafi hann verið fullkomlega hamingjusamur með Jennifer Aniston. Þar höfum við það.