Ósmekkleg óléttutilkynning eða stormandi lukka?

Óléttutilkynningar eru af ýmsum toga og stundum heldur fólk sig við ákveðið þema. Oftar en ekki tengjast þær áhugamáli hinna verðandi foreldra eða atvinnu.

Ólympíusundfarinn Ryan Lochte sem gerði allt vitlaust eins og flestir muna á von á sínu fyrsta barni með sundfatamódelinu Kaylu Reid. Að sjálfsögðu kom ekkert annað til greina en að tilkynna heiminum fréttirnar en í sundlaug og í sundfötum. 

Á myndinni sem Reid birti á Instagram reikningi sínum sést Lochte spreita sig á kafsundi og kyssa í leiðinni maga Reid. Allar líkur eru á að þriðji aðili hafi verið með þeim í lauginni og myndatakan hafi verið rækilega sviðsett.

Við ætlum ekki að fullyrða um hvort þetta starti nýju trendi eða hvort fólk haldi sig í skefjum. Þetta gæti samt boðið upp á ákveðna möguleika. Bakari gæti leikið sér með „köku í ofninum“ og fleira í þeim dúr.

• Blogga um frétt