Lady Gaga fór á kostum

Það er óhætt að segja að Super Bowl, eða Of­ur­skál­in, hafi verið stjörn­um prýdd í ár. Fyr­ir utan fót­bolta­menn­ina, sem þetta á víst allt að snú­ast um, var það söngkonan Lady Gaga sem skemmti gest­um. Áður en leik­ur­inn hófst flutti Luke Bryan banda­ríska þjóðsöng­inn.

Hún sveif inn á sviðið í byrjun. AFP

Þegar Gaga hélt sýningu sína leit allt út fyrir að leikmenn Atlanta Falcons myndu fagna sigri gegn New Eng­land Pat­riots í Ofurskálarleiknum í Houston í nótt. Staðan 21:3, Fálkunum í vil, en hálfleikssýning Gaga hefur barið leikmönnum Patriots baráttuanda í brjóst en þeir sigruðu að lokum eftir framlengingu.

Lady Gaga byrjaði hálfleiksatriðið í silfurlituðum kjól en endaði í hvítum topp. AFP

Frétt mbl.is: Ævintýralegur sigur New England 

Gaga tók flest sín frægustu lög, Poker Face, Born This Way, Telephone, Just Dance og Bad Romance við frábærar undirtektir áhorfenda sem virtust ekki vera vissir um hvort þeir væru á tónleikum eða íþróttakappleik.

Almenn ánægja virðist hafa verið með frammistöðu Gaga, ef marka má Twitter í það minnsta. Meðal þeirra sem lýstu ánægju sinni með atriði Gaga var forsetaframbjóðandinn Hillary Clinton. Gaga var opinber stuðningsmaður Clinton í kosningabaráttu hennar gegn Donald Trump á síðasta ári. 

I'm one of 100 million #SuperBowl fans that just went #Gaga for the Lady, & her message to all of us. https://t.co/8AoNqjwr1b

— Hillary Clinton (@HillaryClinton) February 6, 2017

• Blogga um frétt