Í fótspor Chaplin og Hitchcock

Banda­ríski leik­stjór­inn Mel Brooks hlaut á dög­un­um heiður­sverðlaun bresku kvik­mynda­aka­demí­unn­ar, Bafta.

Fetaði hann þar í fót­spor goðsagna á borð við  Charlie Chaplin, Al­fred Hitchcock, Steven Spiel­berg, Sean Connery og El­iza­beth Tayl­or sem öll hafa hlotið verðlaun­in.

„Þú ert að tala um Charlie Chaplin, þú ert að tala um Al­fred Hitchcock. Skipt­ir þetta mig miklu máli? Já, mjög miklu máli,“ sagði Brooks þegar The Guar­di­an spurði hann út í verðlaun­in.

„Trump var aldrei stjórn­mála­maður“

Í viðtal­inu var hann einnig spurður út í Don­ald Trump Banda­ríkja­for­seta.

„Þetta er allt sam­an mjög klikkað. Trump var aldrei stjórn­mála­maður. Hann var aldrei þingmaður. Ég held að hann hafi ekki einu sinni verið formaður bekkj­ar­fé­lag­ins. Síðan lét hann kjósa sig for­seta Banda­ríkj­anna. Hann átti ekki von á því að vinna. Hann tók þessu ekki al­var­lega. Þrjú hundruð millj­ón­ir Banda­ríkja­manna tóku þessu ekki al­var­lega. Núna gera þeir það.“

Mel Brooks á leið sinni á Bafta-hátíðina. AFP

Unnið öll helstu verðlaun­in

Fer­ill hins níræða Mel Brooks, sem var skírður Mel­vin Kam­insky, hef­ur verið far­sæll. Auk þess að starfa sem leik­stjóri hef­ur hann samið tónlist og leikið hin ýmsu hlut­verk í gam­an­mynd­um sín­um. Hann er ein af tólf mann­eskj­um sem hafa unnið Emmy-, Grammy-, Óskars-, og Tony-verðlaun á ferli sín­um, að því er kem­ur fram á vefsíðu Bafta. 

Fer­ill­inn hófst á sjötta ára­tugn­um

Brooks fékk sitt fyrsta tæki­færi í skemmt­ana­brans­an­um á sjötta ára­tugn­um sem hand­rits­höf­und­ur fyr­ir sjón­varpsþátt­inn Your Show of Shows, þar sem hann starfaði við hlið Carls Reiner. Það leiddi til sam­starfs þeirra við grín­verk­efnið The 2000 Year Old Man.

Mel Brooks ásamt leik­ur­un­um Nath­an Lane (til vinstri) og Simon Pegg. AFP

The Producers sló í gegn

Fyrsta kvik­mynd­in í fullri lengd sem hann leik­stýrði var The Producers (1968) og hlaut hann fyr­ir hana Óskar­inn fyr­ir besta frum­samda hand­ritið. Síðar varð til söng­leik­ur  á Broadway sem var byggður á mynd­inni og hlaut hann 12 Tony-verðlaun árið 2001.

Brooks gerði síðar kvik­mynd upp úr söng­leikn­um sem kom út 2005 með Nath­an Lane, Matt­hew Broderick og Uma Thurm­an í aðal­hlut­verk­um.

Þriðja kvik­mynd Brooks, Blaz­ing Sadd­les, kom út árið 1974 með Gene Wilder, Clea­von Little og Madel­ine Kahn í aðal­hlut­verk­um. Mynd­in hlaut þrjár Óskarstil­nefn­ing­ar og náði mikl­um vin­sæld­um.  

Í næsta smelli Brooks í miðasöl­unni, Young Fran­ken­stein, hélt hann áfram sam­starfi sínu með Wilder, sem samdi með hon­um hand­ritið og lék aðal­hlut­verkið.

Fram­leiddi The Elephant Man

Árið 1980 stofnaði Brooks fram­leiðslu­fyr­ir­tækið Brooks­films, sem sendi frá sér mynd Dav­ids Lynch, The Elephant Man, sem var til­nefnd til átta Óskar­sverðlauna.

Á meðal annarra mynda á ferli Brooks eru To Be or Not to Be og Robin Hood: Men in Tig­hts.

• 1 blogg um frétt­ina

Bloggað um frétt­ina

• Ásgrím­ur Hart­manns­son: Hann kæm­ist ekki upp með neitt af því sem hann …