Ísland áberandi í Fast & Furious 8

Hasarmyndin Fast & Furious 8 verður forsýnd hér á landi mánudaginn 10. apríl, eða eftir rúmar tvær vikur.

Myndin var að hluta til tekin upp á Mývatni og á Akranesi á síðasta ári. Fjölda fólks sem vann við tökurnar verður boðið á forsýninguna.  

Frétt af mbl.is

Kafbátur brýst upp úr Mývatni

Geir Gunnarsson, markaðsstjóri Myndforms sem sýnir Fast & Furious 8 hérlendis, er búinn að sjá myndina og segir hann að íslensk náttúra fái að njóta sín mjög vel í  henni. Telur hann að um 30 til 40 mínútna kafli myndarinnar gerist á Íslandi.

Fast & Furious 8 verður frumsýnd 12. apríl á Íslandi en þremur dögum síðar í Bandaríkjunum. Þar í landi heitir hún reyndar The Fate of the Furious.

Ísólfur Haraldsson, framkvæmdastjóri Bíóhallarinnar á Akranesi, segir að mikill spenningur sé fyrir myndinni á meðal bæjarbúa og hafa miðar á frumsýningu hennar rokið út í forsölu.

Á meðal leikara í myndinni eru Vin Diesel, Charlize Theron, Dwayne Johnson, Michelle Rodriguez og Jason Statham. 

Vin Diesel leikur aðalhlutverkið í myndinni. AFP

• Blogga um frétt