Svala flutti lag sitt Paper af miklu öryggi eins og búast mátti við á stóra sviðinu í Eurovision rétt í þessu. Henni var fagnað rækilega í blaðamannahöllinni, rétt eins og eftir dómararennslið í gærkvöldi og sungu nokkrir erlendri blaðamenn með og dönsuðu.

Svala flutti lagið í sama hvíta samfesting og á æfingunum síðustu daga og með dramatískt hátt tagl. Hún var dugleg að brosa í myndavélina en hélt töffaraskapnum. 

Stemningin í salnum var mjög góð, reyndar eins og í allt kvöld,  og var Svölu fagnað vel af áhorfendum. Eftir flutningin hrópaði okkar kona „Thank you!“

Nú er bara að vona það besta og krossa fingur.

Fylgist með beinni lýsingu mbl.is frá Kænugarði