Horaðar fyrirsætur fá ekki vinnu

Tvö stærstu tískufyrirtæki Frakklands, LVMH og Kering, sem eiga vörumerki eins og Christian Dior og Saint Laurent, hafa ákveðið að leggja bann við að horaðar fyrirsætur starfi fyrir þau.

Mega horaðar fyrirsætur ekki lengur koma fram á tískusýningum á vegum vörumerkja í eigu fyrirtækjanna né heldur í auglýsingum þeirra. Er þetta gert vegna gagnrýni um að tískufyrirtækin eigi stóran þátt í útbreiðslu átröskunarsjúkdóma með þeirri ímynd að horuðu fólki séu allir vegir færir í tískuheiminum.

Jafnframt verður ekki heimilt að ráða fyrirsætur yngri en 16 ára til starfa í verkefnum fyrir fullorðna. Það er myndatökur á fatnaði og fylgihlutum fyrir fullorðna og tískusýningum. 

Frétt af mbl.is

Bara nokkur kíló í viðbót

• 1 blogg um fréttina

Bloggað um fréttina

• Wilhelm Emilsson: Fordómar