Tom Petty er ekki látinn

Tónlistarmaðurinn Tom Petty er ekki látinn líkt og fjölmargir erlendir fréttamiðlar greindu frá fyrr í kvöld. Hins vegar liggur hann þungt haldinn á sjúkrahúsi en hann var fluttur þangað  meðvitundarlaus í gærkvöldi. Hann fannst á heimili sínu í borginni Malibu í Bandaríkjunum í gærkvöldi. Guardian greinir frá. 

Í frétt Guardian kemur fram að lögreglan í Los Angeles hafi beðist afsökunar á því að hafa „óvart veitt rangar upplýsingar“ um lát tónlistarmannsins. Miðilinn Variety hefur einnig sömu sögu að segja og lofar jafnframt lesendum sínum um að veita þeim nýjustu og réttar fréttir af líðan Petty.

Petty er þekktur með hljómsveiti sinni The Heartbreakers seint á áttunda áratugnum. Þekktustu lögin úr þeirra smiðju voru I Won’t Back Down og American Girl.

 Fréttin hefur verið uppfærð í samræmi við nýjustu upplýsingar. 

• Blogga um frétt