Sonur Katrínar hertogaynju og Vilhjálms prins var frumsýndur heimsbyggðinni rétt fyrir klukkan sex að breskum tíma, eða rétt fyrir klukkan fimm að íslenskum tíma. 

Prinsinn fæddist í morgun á St Mary's-sjúkra­hússinu í London. Svo virðist sem allt hafi gengið að óskum þar sem fjölskyldan er á heimleið. 

Ltli prins­inn er þriðja barn þeirra hjóna. Eldri börn­in þau Georg og Karlotta mættu á spít­al­ann fyrr í dag til þess að heilsa upp á nýja bróður sinn.

Frétt mbl.is: Georg og Karlotta heimsóttu nýja prinsinn

Nafn prinsins hefur ekki verið gert opinbert en samkvæmt veðbönkunum eru Arthúr, Albert, Friðrik og Filip talin ákjósanleg nöfn á nýjasta erfingjann. 

Hamingjuóskunum hefur rignt yfir fjölskylduna í allan dag, meðal annars frá Theresu May, forsætisráðherra Bretlands, sem sendi fjölskyldunni hlýjar kveðjur og óskar þeim alls hins besta í framtíðinni.