Eugenie prinsessa var djörf í vali á brúðarkjól sínum sem hún klæddist er hún gekk að eiga unnusta sinn, Jack Brooksbank, í Windsor-kastala í gær. Eugenie er dóttir Andrésar prins, bróður Karls, krónprins Bretlands.

Kjóllinn var hannaður af Peter Pilotto og Christopher De Vos. Hann var langerma og fílabeinshvítur að lit og opinn í bakið. Sú hönnun var gerð að ósk prinsessunnar sem vildi sýna ör sem hún er með á bakinu eftir skurðaðgerð sem hún undirgekkst er hún var tólf ára. Á höfði bar hún svo kórónu, eins og hverri prinsessu sæmir, sem hún fékk að láni hjá ömmu sinni, Elísabetu Englandsdrottningu.

Eugenie ræddi um hönnun kjólsins í viðtali við ITV-sjónvarpsstöðina fyrir brúðkaupið. Hún sagði mikilvægt að breyta viðhorfum fólks til fegurðar. „Ég held að hægt sé að breyta fegurðarskyni og að þú getir sýnt fólki örin þín og mér finnst mikilvægt að gera það,“ sagði prinsessan.

Prinsessan er verndari sjúkrahússins þar sem hún fór í bakaðgerðina sem barn. Í aðgerðina fór hún vegna mikillar hryggskekkju.

Frétt CNN um málið.

Eugenie prinsessa ásamt föður sínum, Andrési, hertoganum af York. AFP

Tengdar fréttir

Kóngafólk

Lítil spenna fyrir nýjustu þáttum Harry og Meghan

• Katrín prinsessa laumaðist á fund í Windsor-kastala
• Sonur Mette-Marit grunaður um nauðgun
• Bresku konungshjónin syrgja góðan vin
• Brutust inn í bóndabæ á landareign bresku konungsfjölskyldunnar

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Þér skuluð aldrei treysta prinsessu