Eurovision í ár verður mjög pólitísk eftir að framlag Íslands var valið um helgina. Hatari hótar að mótmæla í Tel Aviv í maí og skorar á Benjamin Netanyahu, forsætisráðherra Ísraels.

Þetta kemur fram í ísraelska fréttamiðlinum Haaretz en þar á bæ virðast menn hafa talsverðar áhyggjur af því að Hatari muni valda usla í Ísrael. 

„Liðsmenn Hatara sögðu að Ísland ætti ekki að taka þátt í keppninni í Ísrael en hafa nú ákveðið að mótmæla stefnu Ísraels. Þetta er uppskrift að klúðri. Þeir hafa einnig skorað á Netanyahu í þjóðlega íslenska glímu, daginn eftir úrslitin,“ kemur fram í greininni á Haaretz, þar sem augljóst er að blaðamanni er ekki hlátur í huga.

Talað er um að texti lagsins sé fullur af hatri, meðal annars bent á línuna „Evrópa hrynja“. 

Augljóst er að mati blaðamanns Haaretz að keppnin er stöðugt að verða pólitískari, þrátt fyrir yfirlýst markmið um annað. Annað dæmi um það er að Úkraína dró sig úr keppninni í síðustu viku eftir meint tengsl söngkonunnar við Rússland.

Mun Netanyahu glíma við liðsmenn Hatara? AFP

Tengdar fréttir

Eurovision

9 ára þegar kjarnaminningin kviknaði

• Birgo: „Þetta hefur alltaf verið markmiðið“
• Fyrstu viðbrögðin við Söngvakeppninni: „Vá!“
• Nýtt fyrirkomulag við val á vinningslagi
• Playboy-fyrirsæta tekur þátt í undankeppni Eurovision

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Hatari og íslenskt sjálfsháð
• Þorsteinn Siglaugsson: Á ekki að snúast um Ísrael