Mörg þúsund miðar óseldir
Setja bókamerki
/frimg/1/54/36/1543636.jpg)
Tæpum mánuði áður en Eurovision-söngvakeppnin fer fram í Tel Aviv í Ísrael eru enn mörg þúsund óseldir miðar á viðburði tengda keppninni. Miðaverð í ár er mun hærra en það var þegar keppnin fór fram í Portúgal í fyrra.
Alls eru 2.200 miðar óseldir á undankvöldin, sem fara fram 14. og 16. maí. Uppselt er á úrslitakvöldið 18. maí.
Fram kemur í frétt ísraelska miðilsins Globes að boðið sé upp á nokkra miða undankvöldin á tilboðsverði, jafnvirði rétt tæpra 17.000 íslenskra króna. Ástæðan fyrir því er sú að úr þeim sætum sést illa á sviðið.
Flestir miðanna kosta í kringum 40 þúsund íslenskar krónur. Alls tekur salurinn þar sem keppnin fer fram 7.300 áhorfendur í sæti.
Auk þess eru 2.000 miðar óseldir á dómararennsli kvöldið fyrir úrslitin og enn fleiri miðar eru óseldir á dómararennslið áður en undankvöldin fara fram.
Fram kemur að hægt hafi verið að kaupa miða á alla atburði keppninnar á 124.505 krónur. Eins og áður hefur verið greint frá hafa aðdáendur keppninnar lýst yfir vonbrigðum með verðið í ár.
Fordæmalaust fárviðri sem gæti orðið sögulegt
Foreldrar stefna kennurum: „Þetta er neyðaraðgerð“
„Hann neitaði ekki sök á þessum fundi“
Segir málinu laumað í gegnum kerfið
Rýna í rýmingar á morgun
Útlit fyrir talsverða snjókomu
Bráðabirgðalögbann á Trump