Hljómsveitin Hatari hefur nýlokið síðustu æfingu sinni í Expo-höllinni í Tel Aviv fyrir dómararennslið í kvöld. Sveitin negldi atriðið og brutust út fagnaðarlæti í blaðamannahöllinni þegar flutningi lauk.

Þó það sé erfitt að reyna að vera hlutlaus í þessum aðstæðum er ekki hægt að segja annað en að Hatari standi upp úr í fyrri undanriðlinum.

Sviðsframkoma Hatara var, eins og áður, til fyrirmyndar. BDSM-klæðnaðurinn var á sínum stað og mikið um eldsprengingar. 

Söngur Matthíasar Tryggva Haraldssonar og Klemens Hannigan var kraftmikill og mjög góður. Ef þeir standa sig jafn vel í kvöld á dómararennslinu og á morgun í sjónvarpsútsendingunni hlýtur Ísland að fara í úrslit.

Matthías Tryggvi Haraldsson. mbl.is/Eggert Jóhannesson

Tengdar fréttir

Eurovision

Fyrstu viðbrögðin við Söngvakeppninni: „Vá!“

• Nýtt fyrirkomulag við val á vinningslagi
• Playboy-fyrirsæta tekur þátt í undankeppni Eurovision
• Íbúar Basel samþykkja fjármögnun Eurovision
• Hollendingar taka þátt í Eurovision eftir brottvísun

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Tókst nokkuð vel til og mannfall mikið