Einar Stefánsson, trommuleikari Hatara, birti myndband á Facebook þar sem öryggisvörður í Expo-höllinni tekur palestínska fánann af liðsmönnum hljómsveitarinnar eftir að honum var lyft við stigagjöfina í kvöld.

Það var baulað í blaðamannaaðstöðunni þegar liðsmenn Hatara veifuðu palestínska fánanum þegar hljómsveitin fagnaði stigagjöfinni í símakosningu Eurovision-söngvakeppninnar í Tel Aviv í kvöld.

Mörgum virtist einnig nokkuð brugðið þegar palestínski fáninn sást á lofti.

Gísli Marteinn Bald­urs­son þulur RÚV sagði að uppá­kom­an eigi eft­ir að hafa einhverja eftirmála.

Hatari voru ekki einu flytjendur kvöldsins sem vísuðu til Palestínu. Í lok flutnings Madonnu mátti sjá tvo dansara ganga hönd í hönd og á baki þeirra voru annars vegar fáni Ísrael og hins vegar fáni Palestínu. Fljótlega eftir það gaf Eurovision út að það hefði ekki verið gert með vitund keppninnar.