Terry Jones látinn

Velski leik­stjór­inn, leik­ar­inn og spé­fugl­inn Terry Jo­nes er lát­inn, 77 ára að aldri, en umboðsmaður hans greindi frá þessu. Jo­nes er einna þekkt­ast­ur fyr­ir að hafa verið hluti breska grín­hóps­ins Monty Python. 

Monty Python-gengið árið 2013. Frá vinstri: Michael Pal­in, Eric Idle, Terry Jo­nes, Terry Gilliam og John Cleese. AFP

Fjöl­skylda leik­ar­ans hef­ur einnig sent frá sér dán­ar­til­kynn­ingu þar sem seg­ir að Jo­nes hafi and­ast í gær­kvöldi við hlið eig­in­konu sinn­ar, Önnu Söder­ström, eft­ir að hafa glímt við sjald­gæft af­brigði elli­glapa, FTD (e. frontotemporal dementia). Þetta kem­ur fram á vef BBC.

Jo­nes var ein­stak­lega fjöl­hæf­ur maður, leik­stýrði og lék m.a. í kvik­mynd­um, skrifaði bæk­ur og kvik­mynda­hand­rit og orti ljóð. AFP

„Und­an­farna daga hafa eig­in­kona hans, börn, nán­ustu ætt­ingj­ar og marg­ir nán­ir vin­ir verið stöðugt hjá Terry er hon­um hrakaði smátt og smátt á heim­ili sínu í Norður-London,“ seg­ir einnig í yf­ir­lýs­ing­unni. Þau segj­ast hafa misst góðhjartaðan, skap­andi og fynd­inn mann sem með gáf­um sín­um og flug­beitt­um húm­or skemmti millj­ón­um um all­an heim í sex ára­tugi. 

Þau segja enn frem­ur að það sem hann skapaði með Monty Python, bæk­urn­ar sem hann skrifaði, ljóðin sem hann orti, kvik­mynd­irn­ar sem hann leik­stýrði o.fl. muni áfram lifa góðu lífi, og standa sem minn­is­varðar um ein­stak­lega fjöl­hæf­an mann. 

Terry Jo­nes ásamt fé­lög­um í Cann­es í Frakklandi árið 1983 þegar þeir voru að kynna gam­an­mynd­ina Monty Python-The Me­an­ing of Life. AFP

• 1 blogg um frétt­ina

Bloggað um frétt­ina

• G. Tóm­as Gunn­ars­son: Fall­inn er frá snill­ing­ur